Karan Johar ke chat show - Koffee with Karan mein jisne is baar news banai wo hai Shahid Kapoor. Shahid is baar aae the apne bhai Ishaan Khattar ke saath. Inn dono ne show mein apne hassi, mazaak aur dance se chamka diya episode ko. Shahid wo din kaafi mazakiya andaaz mein the aur isiliye hamper jeetne mein bhi kaamyaab hogae. Rapid fire mein Karan ne unhe ek sawaal kiya ki woh Ranveer ko unke shaadi ke baad ek marriage advice de, uspe Shahid ne bola- "Ranveer ko Deepika se utna hi pyaar karna chahiye jitna, Rana Rawal Ratan Singh Padmavati se karte the." Yahi nahi ruke advcie dene ke charche. KJo ne toh unhe Nick Jonas ko bhi koi marriage advice dene ke liye keh diya, aur Shahid ne de bhi di. Shahid bole - "Nick kabhi haar na maane, kyunki unke paas toh original desi girl hai."